02 Dekabr 2023 18:00
2189
HÜQUQ

“Kanal 13”ün aparıcısı HƏBS EDİLDİ - YENİLƏNİB

“Kanal 13” internet televiziyasının aparıcısı Rüfət Muradlı həbs olunub.

Adalet.az xəbər verir ki, o, Xətai Rayon Məhkəməsinin qərarı ilə 30 sutka inzibati qaydada həbs edilib.

R.Muradlı İnzibati Xətalar Məcəlləsinin 510-cu (xırda xuliqanlıq) və 535.1-ci (polisin qanuni tələbinə tabe olmama) maddələri ilə məsuliyyətə cəlb olunub.

 

***

15:58

"Kanal13"ün aparıcısı Rüfət Muradlı saxlanılıb. 

Adalet.az xəbər verir ki, bu barədə sosial şəbəkələrdə məlumat yayılıb. 

Onun hazırda Xətai Rayon Məhkəməsinə aparıldığı deyilir. 

Qeyd edək ki, bundan əvvəl “Kanal13″ün rəhbəri Əziz Orucov da saxlanılmışdı. Noyabrın 28-də Bakının Səbail Rayon Məhkəməsi hakim Ülviyyə Şükürovanın sədrliyi ilə "Kanal 13" internet televiziyasının rəhbəri Əziz Orucov barəsində 3 ay həbs qətimkan tədbiri seçib.