Türkiyənin Radio və Televiziya Ali Şurasının (RTÜK) Üst Kurul mütəxəssisi, jurnalist və uzun illər TRT Baş İdarəsində çalışan Mahmut Demiryürek vəfat edib.

Adalet.az xəbər verir ki, Ankarada yaşayan Demiryürek uzun müddətdir böyrək xəstəliyi ilə mübarizə aparırdı.

Onun vəfatı ailəsi, yaxınları, Tokatlı həmyerliləri və media camiəsində böyük üzüntü yaradıb.

Mahmut Demiryürek kimdir?

Əslən Tokatın Reşadiyə rayonundan olan Mahmut Demiryürek uzun illər RTÜK-də Üst Kurul mütəxəssisi kimi fəaliyyət göstərib. O, TRT Baş İdarəsində də müxtəlif mühüm vəzifələrdə çalışıb və Ankara Jurnalistlər Cəmiyyətinin üzvü olub.

Təcrübəli media nümayəndəsi kimi tanınan Demiryürek peşəkarlığı, nəzakəti və Tokata bağlılığı ilə seçilib.

CHP Tokat millət vəkili Kadim Durmaz onun vəfatı ilə bağlı başsağlığı mesajı yayıb.

Durmaz Demiryüreki "Tokat sevdalısı" və media camiəsinin duayen simalarından biri kimi xarakterizə edib.

Mahmut Demiryürek 17 avqust 2026-cı il, bazar ertəsi günü günorta namazından sonra Ankaradakı Karşıyaka qəbiristanlığında dəfn ediləcək. /nocomment.az/