Qəzza zolağında atəşkəs razılaşması əldə olunub.

Adalet.az xəbər verir ki, bu barədə "Əl-Qahira Əl-İxbariya" telekanalı mənbələrə istinadən məlumat yayıb.

Məlumata görə, razılaşma vasitəçilərin bir neçə saatlıq gərgin fəaliyyətindən sonra bağlanıb. Telekanal iddia edir ki, müvafiq rəsmi bəyanat yaxın vaxtlarda dərc olunacaq. Əldə olunan razılaşmanın təfərrüatları və şərtləri hələlik açıqlanmır.

"Əl-Cəzirə" telekanalı bildirib ki, Qəzzada atəşkəs razılaşmasının ilk mərhələsində 33 israilli girov azad olunacaq.