adalet.az header logo
  • Bakı 16°C
  • USD 1.7
29 May 2023 13:41
388
MƏDƏNİYYƏT

Rejissor yeni işlərindən danışdı: “Sarı Aşığın dastan”ını səhnələşdiririk

“Araşdırdıq, məlum oldu ki, azı son üç əsrdə Azərbaycan bütün ixtiralara, yeni kəşflərə açıq olub”.

Bu fikirləri Adalet.az-a açıqlamasında rejissor Elvin Mirzəyev səsləndirib. Rejissor yeni işləri barədə danışıb. 

“Həm yeni ekran işi, həm tamaşa, həm də sənədli film üzərində işləyirəm. Teatrda “Sarı aşığın dastanı”nı pyesləşdirib səhnəyə çıxarmaq üçün həm dramaturqlarla, həm də aktyorlarla çalışıram. Səhnə işi bilavasitə səhnədə yaranır. Bu əsər dastan halındadır, dramaturji kontenti və konstruktu yoxdur deyə biz konstruksiyanı yaratmaq üzərində işləyirik. Yaxın vaxtlarda tamaşaçıya təqdim edə biləcəyik. 

“Geriyə döndükdə” adlı sənədli filmi Azərbaycanın müxtəlif dövrlərinə aiddir. Biz araşdırmalar apardıq və məlum oldu ki Azərbaycan həmişə bütün yeniliklərə açıq olub. Son üç əsrdə çıxan yeni ixtiraların hər biri Azərbaycana çox qısa müddətdə gəlib və istifadə olunub. 

Vətənpərvər mövzuda da bir bədii film üzərində çalışıram. Qısa zamanda bu film barədə də açıqlama verəcəm”.

Eminquey