04 Oktyabr 2023 18:46
499
DÜNYA

"Rusiya hərbi bazasının Ermənistanda yerləşdirilməsi sənədlərlə tənzimlənir" - Zaxarova

"Ermənistanda Rusiya hərbi bazasının yerləşdirilməsi ilə bağlı məsələlər müvafiq sənədlərlə tənzimlənir".

Adalet.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova növbəti brifinqdə bildirib.
“Biz hələ də kağız üzərində qeyd olunan müqavilələrimizə əməl edirik, bu, birinci. İkincisi, biz konkret olaraq bütün addımlara və qərarlara cavab verəcəyik və analitiklər nələrin baş verə biləcəyini güman edirlər.

Biz artıq baş vermiş və ya mütləq baş verəcək cari hadisələrlə bağlı şərhlər veririk”, - diplomat Rusiya tərəfinin Ermənistandakı Rusiya hərbi bazasının gələcəyi ilə bağlı İrəvandan mənfi addımlar gözləyirmi sualına cavab verərkən deyib.
"Rusiyanın mövqeyindən danışsaq, bu, müvafiq sənədlərdə qeyd olunub, qanuni şəkildə rəsmiləşdirilib", - Zaxarova bildirib.

1995-ci il dövlətlərarası müqaviləyə əsasən, 102-ci hərbi baza Ermənistan ərazisində - Zaqafqaziyadakı yeganə Rusiya bazası (hərbi personalın ümumi sayı 5 min nəfərə yaxın) yerləşir. 2010-cu ildə sənədə dəyişikliklər edildi, ona görə onun səlahiyyət müddəti ilkin 25 ildən 49 ilə, 2044-cü ilə qədər uzadıldı. Bazanın iki qarnizonu var - Gümrü və İrəvan yaxınlığında.