Füzuli rayonunun  Böyük Bəhmənli kəndində  anadan  olan və müddətdən artıq  Azərbaycan Ordusunda xidmət etmiş  şəhid Elçin Tehran oğlu Süleymanovun qəhrəmanlığından bəhs edən çoxlu sayda publisist yazılar, məqalələr, şeirlər dərc olunub.

Çünki Elçın Süleymanov 44 günlük İkinci  Qarabağ savaşında "Ohanyan səddi" ni tankla yaran ,yaşayış məntəqələrimizi  erməni işğalından azad edən igidlərimizdəndir. Bu günlərdə Elçin Süleymanovun  döyüş yolundan Əməkdar jurnalist Faiq Qismətoğlunun qələmə  aldığı  "Dünyanın o üzu" kitabı çapdan çıxıb.  Kitabın ideya müəllifi  şairə Zeynəb Bəhmənli, redaktoru tanınmış yazıçı- jurnalist  Sabir Hüseynovdur.

Kitabda Elçin Süleymanovla  bağlı doğmalarının, müəllimlərinin,  sinif yoldaşlarının, silahdaşlarının  xatirələri toplanıb. Onun sınif yoldaşı  Ramil Məmmədovun  bir fikrini   xatırlatmaq istəyirik:" Elçin kimi qəhrəmanlar şəhid olanda ölmürlər, onlar unudulan da ölürlər. Biz də onları, o cümlədən E. Şüleymanovu heç vaxt unutmayacağıq."  

Şəhidlər haqqında  nə qədər kitab yazılsa,  film çəkilsə, yenə  azdır. Düşünurük ki, yeni çapdan  çıxmış  bu kitab   şəhid Elçin  Süleymanovun  ruhunu sevindirəcək , valideynlərinə və onu sevənlərə bir təsəlli olacaq!

Emil Faiqoğlu