adalet.az header logo
  • Bakı 15°C
  • USD 1.7
15 Aprel 2024 14:38
1991
ƏDƏBİYYAT

Dünya Qarabağlı: Ramazan bayramı

On birə sultandı Ramazan ayı,

Hər zaman çox olsun mərdlərin sayı,

Xoş olsun qisməti,çox olsun payı,

Pisləri düz yola gətirsin Allah.

Onlara xoş niyyət ötürsün Allah.

******

Kimisi qəlb qırır,könül sındırır,

Kimisi şər deyir,kimi yandırır,

Kimisi damarda qanı dondurur,

Pisləri düz yola gətirsin Allah.

Onlara xoş niyyət ötürsün Allah.

******

Ağaclar bar verər,başını əyər,

Barsızlar həmişə özünü öyər,

Yamanlar sözü də sənə sərt deyər.

Pisləri düz yola gətirsin Allah.

Onlara xoş niyyət ötürsün Allah.

******

Yaxşının hər ayı,ili xoş olsun,

Yaxşı kəslər yaxşılığa tuş olsun.

Qəlbində qəm yeri hər an boş olsun.

Pisləri düz yola gətirsin Allah.

Onlara xoş niyyət ötürsün Allah.

******

Sözü sərt deyəni,özün çəkəni,

Kimsənin bağında tikan əkəni,

Xoşlamır Allahım zəhər tökəni.

Pisləri düz yola gətirsin Allah.

Onlara xoş niyyət ötürsün Allah.

******

Silahlar,sursatlar qoy bağlı qalsın.

İlin hər fəsli baharlı qalsın.

Düşmənin sinəsi qoy dağlı qalsın.

Pisləri düz yola gətirsin Allah.

Onlara xoş niyyət ötürsün Allah.

******

O uca göylərim bulud görməsin.

Torpaq sevinc əksin,kədər dərməsin.

İnsanlar yaşasın,vaxtsız ölməsin.

Pisləri düz yola gətirsin Allah.

Onlara xoş niyyət ötürsün Allah.

******

Şeirin müəllifi:Dünya Qarabağlı-Texniki Universitetin İqtisadiyyat və idarəetmə fakültəsinin tələbəsi.