Metro qatarlarında soyuqdur...
Bakı Metropoliten İdarəsi son vaxtlar dünya standartlarına cavab verən qatarlar və vaqonlar alıb.
O vaqonlar müasir texnologiya ilə təchiz edilib, kondinsionerlər quraşdırılıb. Bunlar hamısı çox gözəl! Amma gözəl olmayan odur ki, kondisionerlər payız və qış mövsümündə də işləyir.
Düzdür, bu, gənclərə və orta nəslin nümayəndələrinə ləzzət eləyir, amma qoca, xəstə və zəif insanlar pis təsir edir. Üstəlik də qatarlarda kondisionerlər çox yüksək təzyiqlə işləyir. Yay aylarını başa düşmək olur.
Bəs payıza, qışa nə söz? Dəfələrlə metroda yaşlı adamları görmüşəm ki, kondisionerli qatar minmir, köhnə qatarları gözləyib və həmin qatarlara minirlər. Ona görə də Bakı Metropoliteninin İdarəsi bu barədə ciddi düşünməli və problemin həlli üçün çıxış yolu tapmalıdır!
Emil Faiqoğlu