Deyirdilər ki, çörək bahalaşacaq, ancaq buna çoxları inanmırdı.

Elə mən də inanmırdım. Ən azından ona görə ki, ən azından əksər ərzaq malları çoxdan bahalaşıb və əhali də artıq buna öyrəşib. Amma çörəyin bahalaşması isə insanları lap çaş- baş salıb. Çörəyi bahalaşdırmaq  istəyənlər deyirdilər ki, bu məhsul bahalaşanda  çəkisi artacaq.  Dedilər,dedilər və fevralın 1- dən qiyməti artırdılar. Belə ki, ayın 2- də səhər  saatlarında Yeni Günəşlidəki " Ballı market" dən  Binə çörək zavodunun istehsal etdiyi çörəkdən birini aldım.

Əvvələr bir çörəyi 55 qəpiyə alırdım, lakin bu dəfə 65 qəpik pul verdim. Çəkisi də artmamışdı, elə əvvəlki kimi idi. Mənim kimi çörəyin bahalaşmasına təəccübləninlər gözləri bərəli  qalmışdı.Qəribəsi də o idi ki, çörək zavodları deyəsən, əhali ilə məzələnir. Ki, söz verir ki, qiymət artımı ilə çəki də  artacaq.Ancaq camaat bunun əksini görür. Və bir də un bahalaşmayıbsa,  xeyir ola, çörəyin qiyməti qalxıb. Əgər çörəyin qiyməti 10 qəpik qalxıbsa, onda deməli, elə ailə var ki, gündə dörd - beş çörək alır və onlar 40- 50 qəpik artıq pul verəcəklər.Bircə çörəklə sınağa çəkilməmişdik, artıq onu da gördük! Allah axırın xeyir eləsin!

Emil Faiqoğlu