Aparıcı Tarix Əliyev (Tolik) də həmkarı Nigar Fərhadın  “oğlum olsa, atasız qız almaram” fikrinə biganə qalmayıb.

Adalet.az xəbər verir ki, T.Əliyev onu fikrinə görə qınayıb:

O,“Nigar, səni 15 ildir tanıyıram, amma bu hərəkətini dəstəkləmirəm! Gəmidə oturub gəmiçi ilə dava edirsən. Özün də yaxşı bilirsən ki, 15 ildir Amerikada yaşayırsan və artıq ABŞ vətəndaşısan. Azərbaycana gəlmisən, amma öz vətənində veriliş aparırsan. Dostumuzsan və verilişin çox gözəldir. Amma öz səhvinə görə indi Azərbaycan xalqını hədələmək istəyirsən? Niyə vəkillər xalqı qorxutmalıdır? Səni, məni yox, artıq məmurları, böyük aparıcıları tənqid və təhqir ediblər. Camaata bu necə görünəcək? Bu nə qədər düzgündür? Sən xalqa xox gəlirsən?” söyləyib.

Qeyd edək ki, Nigar Fərhad aparıcısı olduğu “Sözün bitdiyi an” proqramında “Oğlum olsa, atasız qız almaram” ifadəsini səsləndirib. Sözügedən fikirlər heç də birmənalı qarşılanmayıb. Aparıcı ifadəsinə görə sosial şəbəkədə üzr istəsə də onun verilişi bağlanıb. Və həmin kanal 24 saat yayımı dayandırılıb.

Əntiqə Kərimzadə