adalet.az header logo
  • Bakı 19°C
  • USD 1.7
11 Avqust 2022 15:05
244
SAĞLAMLIQ

TƏBİB: "Göygöldə zəhərlənən yeniyetmələrin həyatı təhlükələri yoxdur"

Göygöl Rayon Mərkəzi Xəstəxanasına dünən zəhərlənmə şübhəsi ilə saat 16 radələrində ağır vəziyyətdə təcili tibbi yardım maşını ilə 4 yeniyetmə gətirilib.

Bu barədə Adalet.az-a TƏBİB-dən məlumat verilib.

Bildirilib ki, 2010, 2011, 2013, 2014-cü il təvəllüdlü olan yeniyetmələr təcili olaraq xəstəxananın Reanimasiya şöbəsinə yerləşdirilib: "Reanimasyon tədbirlər görülərək yeniyetmələrin həyati funksiyaları bərpa olunub. Daha sonra yeniyetmələr həkim-reanimatoloqun müşayiətilə təcili tibbi yardım reanomobili vasitəsilə Bakıya təxliyyə ediliblər. Kliniki Tibbi Mərkəzin Toksikologiya şöbəsinə yerləşdirilən yeniyetmələrin hazırda həyati təhlükələri yoxdur, vəziyyətləri sabitdir. Onların həkim nəzarəti altında müalicələrinə davam edilir".