Xəbər verdiyimiz kimi, müğənni Xatirə İslamla Tacir Şahmalıoğlu arasında mübahisə yaşanıb.

Adalet.az xəbər verir ki, T.Şahmalıoğlu Xatirənin qonaq olduğu "Günə uğurla" verilişinə telefonla zəng edib. O bildirib ki, aralarında anlaşılmazlıq yaşanıb:

"Hər şey gözəldir. Xatirə ürəyimdir. Aramızda inciklik ola bilməz. Zəng söhbətində oğlum inciyib. Mən də Xatirənin köməkçisinə zəng etdim ki, mənimlə əlaqə saxlasın. Bir-birimizə çata bilmədik. Tonla çörək kəsmişik, küsülülük ola bilməz".

T.Şahmalıoğlu Xatirənin atasının rəhmətə getməsini dediyinə görə ondan üzr istəyib: "Xatirədən üzr istəyirəm. Yusif Mustafayev dedi ki, atası rəhmətə gedib. Ona görə mən də "Allah rəhmət eləsin" dedim. Diriyə də rəhmət var".