Boris Conson Co Baydenlə görüşdü
Böyük Britaniyanın baş naziri Boris Conson, ABŞ prezidenti Co Baydenlə görüşüb. Onlar Əfqanıstandakı birgə missiyalarını və gələcəkdə bu ölkədə vəziyyətin inkişafı məsələlərini müzakirə ediblər.
Bayden və Conson Əfqanıstanda böhranın qarşısının alınması üçün, bu ölkəyə humanitar və diplomatik dəstək göstərilməsini vacib sayıblar.
"Baş nazir və prezident Əfqanıstanda həyatını itirənlərin əziz xatirəsinə hörmət məqsədilə, humanitar yardım və diplomatik dəstək verilməsinin ən gözəl vasitə olduğunu vurğulayıblar"- deyə Birləşmiş Krallığın hökumət saytında bildirilir.
Consonun fikirincə Talibanın terror təkilatı kimi tanınması məsələsi kordinə edilməli, bu məsələyə onların insan haqlarına necə yanaşmasından asılı olaraq qiymət verilməlidir.
Britaniyanın baş naziri daha sonra vitse-prezident Kamala Xarrislə görüşüb. Ağ Evin mətbuat katibliyindən bildirilir ki, Xarris 20 il ərzində Əfqanıstanda ABŞ -a göstərdiyi dəstəyə görə Consona təşəkkürünü bildirib.
Rüstəm Hacıyev