Bakı Xoreoqrafiya Akademiyasının tam orta təhsil pilləsinin şagirdlərinin Nizami Kino Mərkəzində 1 iyun Uşaqların Beynəlxalq Müdafiəsi Gününə həsr olunmuş "Uşaqlar sevinsin həmişə" adlı konsert proqramı keçirilib.

Konsert proqramında BXA-nın rəhbərliyi, müəllim heyəti və digər qonaqlar iştirak edib.

Konsert proqramında akademiyanın şagirdləri tərəfindən "Polka", "Vals", "Kavboy rəqsi", "Üç dost", "Macar xalq rəqsi", "İgidlər" və s.  rəqsləri ifa olunub.

Konsert proqramının sonunda isə BXA-nın təşkilatçılığı ilə fiziki məhdudiyyətli və valideyn himayəsindən məhrum olmuş  uşaqlar üçün hazırlanmış hədiyyələr təqdim olunub.

Qeyd edək ki, konsert proqramı böyük maraqla qarşılanıb.