adalet.az header logo
  • Bakı 9°C
  • USD 1.7
08 Dekabr 2022 16:20
822
ELM VƏ TƏHSİL

Bakıda eksternat imtahanları bu tarixlərdə keçiriləcək

"Əvvəlki illərdə ümumi təhsil məktəblərini ümumi orta (IX) və tam orta (XI) təhsil səviyyəsi üzrə başa vura bilməyən şəxslər üçün eksternat qaydasında keçiriləcək aralıq imtahanları üçün sənəd qəbulu başa çatıb".

Bu barədə Adalet.az-a Bakı Şəhəri üzrə Təhsil İdarəsindən bildirilib.

Məlumata görə, Bakı Eksternat imtahanlarında iştirak etmək üçün 1 024 müraciət daxil olub.

Bildirilib ki, eksternat imtahanları 16-17 dekabr tarixlərində paytaxtdakı 258 nömrəli tam orta məktəbdə təşkil olunacaq.

Qeyd edək ki, eksternat təhsilalma formasının tətbiqi müxtəlif səbəblərdən ümumi orta və tam orta təhsil səviyyələrini başa vura bilməyən şəxslərə həmin səviyyələr üzrə buraxılış imtahanı verib müvafiq təhsil sənədi almaq üçün şərait yaratmaq məqsədi daşıyır. Eksternat imtahanlarında uğur qazanmış şəxslər ümumi orta və tam orta təhsil haqqında sənəd (attestat) almaq üçün Dövlət İmtahan Mərkəzi tərəfindən keçirilən buraxılış imtahanlarında iştirak etmək hüququna sahib olacaqlar.