Xəbər verdiyimiz kimi dekabrın 12-si Azərbaycan xalqının ümummilli lideri Heydər Əliyevin anım günüdür. 

Ulu öndər Heydər Əliyev haqqında yazdığı məşhur şeirin müəllifi, tanınmış şair Gülbala Teymur Adalet.az-a açıqlamasında öz təəssüratlarını bölüşüb:

“Hər bir azərbaycanlının qəlbində bir Heydər Əliyev vardır və zaman-zaman o insan böyük şəxsiyyət sərkərdə, bəşəri dəyərləri özündə əks etdirən, Azərbaycanın xilaskarı kimi xatırlanır və xatırlanacaq. 

“Qoruya bilmədik” adlı şeiri 20 il əvvəl, ümummilli lider Heydər Əliyevin vəfatı günü yazmışam. Şeir 2004-cü ilin fevral ayında AYB-nin Beynəlxalq “Heydər Ata” fondu ilə birlikdə keçirdiyi ümumrespublika şeir müsabiqəsində 1800 şeir arasında 2-ci yerə layiq görüldü. Qaliblərə diplom və pul mükafatları təqdim olundu. 

Bu münasibətlə “Vektor” nəşriyyatı “Yanmaq ruhun harayıdı” adlı şeirlər kitabımı mükafat olaraq çap etdi. 

“Qoruya bilmədik” adlı şeiri illər öncə Cəlilabadda yaşamış mərhum jurnalist Sabir Məmmədovun nəvəsi, beş yaşlı Rufin Məmmədov səsləndirib”-deyə Gülbala Teymur bildirib. 

Vasif Əlihüseyn