Ceyhun Bayramov Malayziya Senatının sədrinin müavini ilə görüşüb
![](https://adalet.az/uploads/img/posts/2024/09/02/19jpg-1725290519.jpg)
Azərbaycanın xarici işlər naziri Ceyhun Bayramov Azərbaycan Respublikası Milli Məclisinin növbədənkənar seçkilərini müşahidə etmək üçün ölkəmizdə səfərdə olan Malayziya Senatının sədrinin müavini Nur Cazlan Məhəmmədin rəhbərlik etdiyi nümayəndə heyətini qəbul edib.
Bu barədə Adalet.az-a Xarici İşlər Nazirliyindən məlumat verilib.
Bildirilib ki, görüş zamanı Azərbaycan-Malayziya ikitərəfli və çoxtərəfli əlaqələri, cari ilin 1 sentyabr tarixində Milli Məclisə növbədənkənar seçkilər prosesi və nəticələri, habelə regional məsələlər müzakirə olunub.
Nazir bu ilin əvvəlində keçirilmiş Prezident seçkiləri kimi, Parlament seçkilərinin də azad, ədalətli və şəffaf keçirilməsi üçün ardıcıl, sistemli və intensiv şəkildə atılan addımlar, eləcə də beynəlxalq müşahidəçilərin seçkilərdə iştirakı ilə bağlı tədbirlər barədə qarşı tərəfə məlumat verib.
Prezident seçkilərindən sonra parlament seçkilərinin də ilk dəfə olaraq Azərbaycanın işğaldan azad edilmiş ərazilərini əhatə etməsinin tarixi bir məqam olduğu vurğulanıb. Seçkilərin qanunvericiliyin tələbləri əsasında, beynəlxalq standartlara tam cavab verən, yüksək səviyyədə təşkili üçün müvafiq şəraitin yaradıldığı qeyd olunub.
Görüşdə Azərbaycan və Malayziya arasında əməkdaşlıq məsələləri, ikitərəfli əlaqələrin, o cümlədən turizm və təhsil sahəsində birgə səylərin inkişaf etdirilməsi perspektivləri nəzərdən keçirilib. Ötən ilin iyul ayında Xarici İşlər Nazirlikləri arasında Kuala Lumpurda keçirilmiş siyasi məsləhətləşmələrin davamı olaraq, yaxın vaxtlarda növbəti məsləhətləşmələrin Bakıda keçiriləcəyi bildirib. İki ölkə arasında müxtəlif regional və beynəlxalq təşkilatlar, o cümlədən Birləşmiş Millətlər Təşkilatı, Qoşulmama Hərəkatı, İslam Əməkdaşlıq Təşkilatı çərçivəsində həyata keçirilən uğurlu əməkdaşlıq təcrübəsi qeyd edilib.
Tərəflər həmçinin qarşılıqlı maraq doğuran digər məsələlər ətrafında fikir mübadiləsi aparıblar.
Digər Xəbərlər
![](https://adalet.az/uploads/img/posts/2024/09/02/4jpg-1725292644.jpg)
Zakir Həsənov İtaliyanın Azərbaycandakı səfiri ilə görüşüb - FOTO
![](https://adalet.az/uploads/img/posts/2024/09/02/21jpg-1725291178.jpg)
Azərbaycan və MDB arasında əməkdaşlıq gündəliyi müzakirə olunub
![](https://adalet.az/uploads/img/posts/2024/09/02/13jpg-1725289904.jpg)
Ceyhun Bayramov və Marko Curiçin müzakirə etdiyi məsələləri açıqlandı
![](https://adalet.az/uploads/img/posts/2024/09/02/22jpg-1725288015.jpg)
Ərdoğan İlham Əliyevə zəng etdi
![](https://adalet.az/uploads/img/posts/2024/09/02/11jpg-1725285130.jpg)
Növbədənkənar parlament seçkilərinə sentyabrın 22–dək yekun vurulacaq
![](https://adalet.az/uploads/img/posts/2024/09/02/42jpg-1725277741.jpg)
Ermənistan demarkasiya komissiyalarının əsasnaməsini təsdiq edəcək
![](https://adalet.az/uploads/img/posts/2024/09/02/31jpeg-1725271682.jpeg)
Səsvermə prosesində seçici fəallığı məlum olub - RƏSMİ
![](https://adalet.az/uploads/img/posts/2024/09/02/28jpg-1725271318.jpg)