adalet.az header logo
  • Bakı 20°C
  • USD 1.7
21 Yanvar 2022 12:09
587
ƏDƏBİYYAT

Əbülfət MƏDƏTOĞLU: KÖKLƏNİB 

Yenə xəyallar üstə

Ruhum, yola köklənib...

Mən çəkdiyim nəfəs də -

Sağa, sola köklənib...

 

Açıq qalan qapı da

Alır , ən son tabı da!

Sanki xilas sapı da -

Ələ, qola köklənib...

İçim dolu, sıxıntı

Daş, üstümə yıxıldı!

Can boğaza yığıldı -

Gülə, kola köklənib!

 

Gözüm öpən şəkildə,

Gülür mənə şəkil də!

Günahkar bu vəkil də -

Ola, ola köklənib!..