İlham Əliyev vyetnamlı həmkarını təbrik etdi
![](https://adalet.az/uploads/img/posts/2024/09/02/10jpg-1725261953.jpg)
Prezident İlham Əliyev Vyetnam Sosialist Respublikasının Prezidenti To Lama təbrik məktubu göndərib.
Adalet.az xəbər verir ki, məktubda deyilir:
"Hörmətli cənab Prezident,
Ölkənizin milli bayramı – Müstəqillik Günü münasibətilə Sizə və Sizin simanızda dost Vyetnam xalqına öz adımdan və Azərbaycan xalqı adından ən səmimi təbriklərimi və xoş arzularımı çatdırıram.
Azərbaycan ilə Vyetnam arasında dostluq və əməkdaşlıq əlaqələrinin xoş ənənələri mövcuddur. Dövlətlərarası münasibətlərimizin yüksələn xətt üzrə inkişaf edərək hazırkı səviyyəyə çatması məmnunluq doğurur. Beynəlxalq təşkilatlar çərçivəsində uğurlu birgə fəaliyyətimiz və qarşılıqlı dəstəyimiz də bizi sevindirir.
Siyasi münasibətlərimizin yüksək səviyyəsi və fəal dialoqumuz bütün sahələrdə, xüsusilə də iqtisadi-ticari, mədəni-humanitar, təhsil və digər sahələrdə səmərəli əməkdaşlığımızın genişləndirilməsi üçün yaxşı zəmin yaradır.
İnanıram ki, sağlam təməllər üzərində qurulmuş, qarşılıqlı inam və etimada əsaslanan Azərbaycan-Vyetnam dostluq əlaqələrinin daha da inkişafı, həm ikitərəfli, həm də çoxtərəfli müstəvidə əməkdaşlığımızın dərinləşdirilməsi istiqamətində birgə səylərimizi bundan sonra da müvəffəqiyyətlə davam etdirəcəyik.
Bu bayram günündə Sizə möhkəm cansağlığı, xoşbəxtlik, işlərinizdə müvəffəqiyyətlər, dost Vyetnam xalqına daim əmin-amanlıq və rifah diləyirəm".
Digər Xəbərlər
![](https://adalet.az/uploads/img/posts/2024/09/02/31jpeg-1725271682.jpeg)
Səsvermə prosesində seçici fəallığı məlum olub - RƏSMİ
![](https://adalet.az/uploads/img/posts/2024/09/02/28jpg-1725271318.jpg)
YAP-ın seçkilərdə 68 namizədi liderdir
![](https://adalet.az/uploads/img/posts/2024/09/02/6jpg-1725260851.jpg)
Bütün seçki məntəqələri protokolları MSK-ya təqdim etdi - LİDER NAMİZƏDLƏR - YENİLƏNİB
![](https://adalet.az/uploads/img/posts/2024/09/02/14jpg-1725268258.jpg)
Ermənistan konstitusiyasında bir sıra normativ hüquqi aktlar sülh üçün ən ciddi təhdiddir
![](https://adalet.az/uploads/img/posts/2024/09/02/11png-1725262759.png)
Azərbaycan və Serbiya XİN rəhbərlərinin görüşü başladı
![](https://adalet.az/uploads/img/posts/2024/09/02/7jpg-1725261198.jpg)
"Seçkilərdə qadın namizədlərin sayının çoxluğu təqdirəlayiq haldır" - Aygün Attar
![](https://adalet.az/uploads/img/posts/2024/09/02/4jpg-1725260254.jpg)
Naxçıvan Ali Məclisinə seçkilərdə lider namizədlərin adları açıqlandı
![](https://adalet.az/uploads/img/posts/2024/09/02/21jpg-1725255945.jpg)