Oskarlı ulduzun heykəltəraşlıq sərgisi
Hollywood ulduzu Bred Pitt Finlandiyada aktyorluq karyerası ilə yanaşı, heykəltəraş kimi ilk sərgisinin açılışına başlayıb.
Adalet.az xarici mətbuata istinadən xəbər verir ki, məşhur aktyorun 9 əsərinə yanvarın 15-nə kimi baxmaq olar.
Finlandiyanın cənubundakı Tampere şəhərindəki Sara Hilden İncəsənət Muzeyində amerikalı aktyor Bred Pittin əsərləri nümayiş etdirilib.
58 yaşlı Oskarlı ulduzun 2017-ci ildə düzəltdiyi "House A Go Go" adlı ilk heykəli də sərgidəki parçalar arasındadır.
Qeyd edək ki, muzeyin “Biz” adlı sərgisində B.Pittin 9 əsəri ilə yanaşı, musiqiçi Nik Cave və rəssam Tomas Houseaqonun əsərləri də yer alır.
Əntiqə Kərimzadə
Digər Xəbərlər
24 Aprel 2024 11:24