Bu gün Bakı şəhərində  tez-tez it gəzdirən oğlan və qızlara rast gəlmək olur.

Onların əksəriyyəti mövcud qaydaları  pozur, parklarda, xiyabanlarda  insanlar, xüsusən də  uşaqlar  arasında  qorxu və xof  yaradırlar. Hansı ki, it gəzdirən  adamlar o heyvanların ağzına buruntağlar  bağlamalı və bundan sonra   onları gəzməyə aparmalıdirlar.  Bununla yanaşı, o itləri hər parlasa aparmaq olmaz və onların gəzdirilməsi üçün insanların az olduğu  yerlər seçilməlidirm.

Təəssüf ki, biz çox vaxt bunun əksini  görürük. Bəzi cavan oğlan və qızlar qaydalara məhəl qoymur, itləri ağzıaçıq parklarda gəzdirir, bundansa oradakı insanlar qorxuya düşur və it gəzdirənlərlə  dava-dalaş eləyirlər. Bu yaxınlarda Yeni Günəşlidə  " Fatmeyi-Zəhra" məscidinin yanındakı parkda  it gəzdirən oğlanla orada istirahət edənlər arasında mübahisə yarandı.

Yaşlı qadın it gəzdirən oğlana dedi ki,  ay oğul, bura müqəddəs yerdir, get o iti başqa yerdə gəzdir. İnsafən o gənc bir söz demədi və parkdan  çıxıb getdi. Bir faktı da xatırladaq ki, parklarda və əhalinin çox olduğu yerlərdə    gəzdirilən  itlərin ağzında  buruntaq olmasa, onun sahibi İnzibati Xətalar Məcəlləsinin müvafiq maddəsi ilə cərimə olunur. Ona görə də it gəzdirənlər zəhmət çəkib, qanunlara  əməl  etməlidirlər!

Emil Faiqoğlu