85 saylı Füzuli-Ağcabədi Seçki Dairəsindən Azərbaycan Respublikası Milli Məclisinə deputatlığa namizəd Aqil Məhəmməd oğlu Abbasov ( Aqil Abbas)  Ağcabədi rayonun Minəxorlu kəndində seçicilərlə görüş keçirib.Görüşdən öncə Vətən uğrunda şəhid olanların əziz xatirəsi bir dəqiqəlik sükutla yad edilib.

Adalet.az  xəbər verir ki, seçiciləri ilə mütəmadi görüşlər keçirən Aqil Abbası kənd camaatı yüksək əhval ruhiyyədə qarşıladılar. Onlar bu illər ərzində etimad göstərdikləri deputatları ilə səmimi söhbət etdilər, rayonda , kənd və kənd yollarında aparılan abadlıq işlərindən, dövlətin əhalinin sosial rifahına yönəli atdığı addımlardan razı qaldıqlarını bildirdilər. 

Çıxış edən kənd sakinləri Aqil Abbasın deputat fəaliyyəti dövründə elinə-obasına göstərdiyi diqqət və qayğını dilə gətiriblər. Və ondan bu dövr ərzində razı qaldıqlarını, onlar üçün hər zaman  əlçatan deputat olduğunu xüsusi qeyd ediblər. Həmçinin kəndin problemlərinin həllinə çalışan, reaksiya verən, burada gedən abadlıq və quruculuq işlərində yaxından iştirak ediyini bildiriblər.

Kənd sakinləri Aqil Abbası növbəti parlament seçkilərində də dəstəkləyəcəklərini bildiriblər.