Türkiyə Finlandiya və İsveçin NATO-ya üzv olmaq üçün müraciətlərinə fərqli cavablar verə bilər. 

Adalet.az xəbər verir ki, bunu Türkiyə prezidenti Rəcəb tayyib Ərdoğan deyib.

O, bildirib ki, Finlandiya ilə bağlı fərqli mesaj verə bilərik.

"İsveç baş naziri nə Osmanlı türkcəsini bilir, nə də türkcə danışa bilir. Biz ona anlatdıq. Dedik, əgər NATO istəyirsinizsə, bu terrorçuları bizə qaytarmalısınız. Bu terrorçuları geri qaytarmasanız, o zaman üzr istəyirəm. Özlərini ələ salırlar. Lazım gələrsə, Finlandiya ilə bağlı fərqli mesaj verə bilərik. İsveç şoka düşəcək"-deyə Ərdoğan qeyd edib.