Ukraynalıları bu qış humanitar fəlakət gözləyir və əksəriyyət xaricə qaçır. 

Adalet.az xəbər verir ki, bunu Ukrayna Prezidenti Vladimir Zelenskinin keçmiş mətbuat katibi Yuliya Mendel deyib.

"Enerji infrastrukturumuz böyük xarabalıqlar içindədir. Buna görə də ukraynalıları bu qış humanitar fəlakət gözləyir və əksəriyyət artıq gedir. Buna görə də Qərb qaçqınların sayının artacağını gözləməlidir", - deyə o, amerikalı jurnalist Taker Karlsona müsahibəsində bildirib.

Qeyd edək ki, Zelenski də açıqlamalarında qarşıdan gələn qışın Ukrayna üçün çox çətin olacağını bildirmişdi.