Avropa Şurasının sədri Antonio Kosta 27 Avropa İttifaqı (Aİ) dövlətinin liderlərinin videokonfrans iclasını çağırıb.

Adalet.az xarici KİV-ə istinadən xəbər verir ki, Fransa prezidenti Emmanuel Makron ABŞ-a səfərinin nəticələri barədə həmkarlarına məlumat verəcək.

"Martın 6-da keçiriləcək Avropa Şurasının fövqəladə iclasına hazırlıq çərçivəsində sabah səhər prezident Emmanuel Makronun Vaşinqtona son səfəri ilə bağlı hesabatını dinləmək üçün Avropa Şurası üzvlərinin videokonfransını təşkil edəcəyəm", - Kosta X-də yazıb.

“The Guardian”ın məlumatına görə, Fransa prezidenti ABŞ-ın dəstəyini almadan və Donald Trampı Ukrayna münaqişəsi ilə bağlı mövqeyində dəyişiklik etməyə inandıra bilmədən Vaşinqtonu tərk edib.

Nəşrin məlumatına görə, Makron və bu həftənin sonunda Vaşinqtona getməli olan Böyük Britaniyanın baş naziri Key Starmer son onilliklərin ən ciddi böhranını yaşayan transatlantik alyansı xilas etməyə çalışırlar. “The Guardian” qeyd edir ki, Starmer həm də ABŞ prezidentini Avropadan qopmağa qoymamaq kimi çətin vəzifə ilə üz-üzədir.

Avropa Şurasının rəhbəri Ukraynaya yardım və Avropanın müdafiəsini müzakirə etmək üçün martın 6-da Avropa İttifaqının fövqəladə sammitini çağırıb.