“Global Media Group”un nəzdində fəaliyyət göstərən onlayn resurslara kütləvi haker hücumu həyata keçirilir.

Adalet.az xəbər verir ki, bu barədə “Global Media Group” açıqlama yayıb.

Açıqlamada deyilir ki, bu kiberhücumlarla əlaqədar hazırda "Report.Az", "Oxu.Az", "Media.Az", "Baku.ws", ''Caliber.Az" saytlarının və "Baku TV"nin fəaliyyətində problem yaranıb.

"Serverlərə və saytların panelinə sızmalara cəhd edilir və saytların giriş səhifələrinə şəkillər yerləşdirilir.

Kütləvi kiberhücumların cəhdinin qarşısının alınması üçün təxirəsalınmaz tədbirlər həyata keçirilir. Mütəxəssislər hazırda saytların işinin bərpa olunması istiqamətində çalışır.

Xüsusi qeyd etmək istərdik ki, bu adi DDoS hücumu yox, peşəkar, hərtərəfli kiberhücumdur".

Bütün bu hücumlarla bağlı səlahiyyətli qurumlara məlumat verilib.

"Problemin aradan qaldırılması istiqamətində işlər aparılır", - açıqlamada bildirilib.

***

İranda Azərbaycana qarşı dəstəklənən "hüseynçilər" adlı terrorçu qrup tərəfindən ölkəmizdə fəaliyyət göstərən kütləvi informasi vasitələrinə qarşı haker hücumu təşkil olunub.

Adalet.az xəbər verir ki, Azpolitika.az saytı və Report İnformasiya Agentliyinin ana səhifələrində məlum qrupun loqosu olan post yerləşdirilib.

Haker hücumunun qarşısının alınması üçün hazırda proflaktik tədbirlər görülür.