İspaniyanın “Real Madrid” komandasının yarımmüdafiəçisi Cud Bellinqem yeni rekorda imza atıb.

Adalet.az “Opta”ya istinadən xəbər verir ki, o, XXI əsrdə “Barselona”ya qarşı oyunda həm qol vuran, həm də məhsuldar ötürmə edən ən gənc “Real Madrid” futbolçusu olub.

İngiltərəli oyunçu (22 yaş 119 günlük ikən) ötən gecə “El Klasiko”da həm qol, həm də asistlə yadda qalıb. Bununla da o, 2023-cü ilin aprelində İspaniya Kubokunda Kataloniya klubuna qarşı eyni nailiyyəti göstərmiş Vinisius Juniorun (22 yaş 267 gün) göstəricisini yeniləyib.

Qeyd edək ki, “Real Madrid” “Barselona”ya 2:1 hesabı ilə qalib gəlib.