Bulvarda batma təhlükəsi ilə üzləşən qadın xilas edildi - VİDEO
![](https://adalet.az/uploads/img/posts/2024/07/15/7jpg-1721021838.jpg)
Bulvarda batma təhlükəsi ilə üzləşən qadın xilas edilib.
Bu barədə Adalet.az-a Fövqəladə Hallar Nazirliyindən bildirilib.
Məlumata görə, nazirliyin “112” qaynar telefon xəttinə Bakı şəhəri, Səbail rayonunda yerləşən Dənizkənarı Milli Park ərazisində 1 nəfərin dənizdə batma təhlükəsində olması barədə məlumat daxil olub.
Məlumatla əlaqədar dərhal hadisə yerinə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin “Bakı-bulvarı” dalğıc-axtarış qrupu cəlb edilib.
Həyata keçirilən operativ xilasetmə əməliyyatı sayəsində dənizdə batma təhlükəsində olan 1988-ci il təvəllüdlü E.Şükürova dalğıclar tərəfindən xilas edilərək aidiyyəti üzrə təhvil verilib.