Xilasedicilər Saxalin sahillərində qopan buz parçasının üzərindən 374 balıqçını xilas ediblər.

Adalet.az xəbər verir ki, bu barədə TASS-a Rusiya Fövqəladə Hallar Nazirliyinin (FHN) mətbuat xidmətindən məlumat verilib.

"Saxalində xilasetmə əməliyyatı uğurla başa çatıb. Bütün insanlar sahilə çıxarılıb.

Ümumilikdə 374 nəfər xilas edilib", - mətbuat xidmətindən bildirilib.

Xəbər verildiyi kimi, Oxot dənizində, Saxalin sahillərində ilkin məlumatlara görə, üzərində 200 balıqçının olduğu buz parçası qopub. Fövqəladə hadisə Lesnoye kəndi yaxınlığında baş verib. Fövqəladə Hallar Nazirliyinin gəmisi və “Mi-8” helikopteri xilasetmə işlərinə cəlb edilib.

***

15:15

Rusiyanın Saxalin vilayətində təqribən 200 balıqçı buz parçasının qopması nəticəsində köməksiz qalıb.

Adalet.az xəbər verir ki, bu barədə məlumatı Rusiyanın Fövqəladə Hallar Nazirliyi yayıb. 

Bildirilib ki, hazırda Oxot dənizində həmin balıqçıların buz üzərindən xilas edilməsi üzrə əməliyyat həyata keçirilir. Buz parçası ilə sahil arasında 700 metr məsafə var. 

Ən son məlumata görə, hələ ki 66 balıqçını xilas etmək mümkün olub. Xilasetmə əməliyyatına “Mi-8” helikopteri cəlb edilib.