“Unibroad” təhsil platforması dünyanın ən yaxşı startapları sırasında

Azərbaycanlı gənclər tərəfindən qurulmuş “Unibroad” təhsil platforması dünyanın ən yaxşı təhsil startapları arasında yarımfinalda qalib olaraq London şəhərində “Microsoft”, “Meta”, “Samsung” kimi şirkətlərin məhsulları ilə birgə sərgilənib.
Bu barədə Adalet.az-a “Unibroad” təhsil platformasından məlumat verilib. Bildirilib ki, startap öz uğurunu davam etdirərək “DOHE GLOBAL” təhsil startapları ekosisteminin layihə portfelinə seçilib. Sinqapur, Filippin və Avropada fəaliyyət göstərən “DOHE GLOBAL” təhsil sahəsində ən uğurlu layihələri seçməklə 20 həftəlik təlim proqramından sonra startapı investisiya mərhələsinə çatdırır və təhsil sahəsində bir çox yenilikləri dəstəkləyir.
Qeyd edək ki, 2022-ci ildən qlobal startap kimi bazara daxil olan və azərbaycanlı gənclər tərəfindən qurulmuş “Unibroad” təhsil platforması dünyanın 600-dən çox universiteti ilə birbaşa müqaviləsi olan və tələbələr üçün tamamilə ödənişsiz əsaslarla xidmət göstərən startapdır. Startapın əsas hədəfi gənclər üçün təhsili əl çatan və sərhədsiz etməkdir. “Unibroad”, eyni zamanda, Azərbaycanda KOBİA tərəfindən rəsmi startap şəhadətnaməsi almış platformadır.
Digər Xəbərlər

Dövlət qulluğuna qəbul olunanların sayı açıqlandı

Birinci sinfə üzrlü səbəbdən gecikən uşaqların qəbulu başa çatdı

I sinfə qəbul bu gün başa çatır

Şagirdlərin elektron yerdəyişməsi prosesinə start verilir

Təhsil işçiləri Push30 platformasına qoşuldu

I sinfə üzrə elektron qəbul prosesi yenidən aktivləşdirildi

Disleksiya ilə bağlı kritik xəbərdarlıq: Bu xəstəlik deyil…
