Az qala Yunanıstanın əbədi çempionu olan «Olimpiakos»la oyunda Qurban Qurbanovun köhlən atları dördnala çapırdı. Və «Olimpiakos»u saldılar nallarının altına tapdaq-tapdaq elədilər. Özü də on minlərlə azarkeşin gözü qarşısında.
Yunanları mədəni xalq kimi tanıyırlar dünyada. Dünyaya böyük dahilər vermiş bir xalqın indiki nümayəndələrinin mədəniyyətsizliyini və tərbiyəsizliyini hara yazmaq olar?
Az qala bütün dünyada İndoneziyada məlum futbol faciəsi ilə bağlı həlak olanlar 1 dəqiqəlik sükutla yad edilir. Yunan azarkeşlər isə bu sükutu tərbiyəsizcəsinə pozdular.
Bundan başqa, oyun başlamamışdan əvvəl bizim azarkeşlərə hücum etdilər. Bizimkilər də məcbur olub sektorlarını dəyişdilər. İndi görək UEFA buna görə bu tərbiyəsizləri necə cəzalandıracaq? Ermənilərin bir bacısı olan yunanlar bizim acığımıza Ermənistanın əski parçası olan bayrağını da qaldırmışdılar. O bayrağı hara qaldırırsan qaldır, xeyiri yoxdur, 44 günlük müharibədə biz o əski parçası olan bayrağı cırıq-cırıq edib ayaqlar altına atmışıq.
Həmin gün Praqada keçirilən sammitdə Azərbaycan prezidenti, Ali Baş Komandan İlham Əliyev Paşinyanı tapdaladı. Şəkillərə baxırsız da, sayın Ərdoğanla İlham Əliyevin şəkillərinə və yetim görkəmli Paşinyana. Erməni olmasaydı adamın ona lap yazığı da gələrdi.
Yəqin ki futbolçularımız da o şəkilləri görmüşdülər, həmin sammitdə qəbul olunan bəyanatdan da xəbərdar idilər, ona görə də daha da ruhlanmışdılar.
Qurban Qurbanov Avropaya göstərdi ki, biz də futbol oynaya bilirik.
Qurban Qurbanovu və komandanın bütün heyətini, eləcə də komandanın prezidenti Tahir Gözəli və komandanın direktoru Emrah Çelikeli ürəkdən təbrik edirik, uğurlar arzulayırıq.
İnşallah,qarşıdakı görüşlərdə də «Qarabağ»ın köhlən atları dördnala çapacaq.