SON DƏQİQƏ:

Aqil ABBAS: DƏMŞALAX 

  109669   |  
Şriftin ölçüsü  

Əslində  ədəbi dil  normalarına görə bu söz «dəmşalaq» kimi yazılmalıdı.  Amma bu sözü ən çox ağdamlılar işlətdiyinə görə, onların  ləhcəsində yazdım.

«Dəmşalax» nədi? Özüm ədəbiyyatçı olmasına baxmayaraq, bu sözün ədəbi dildə  və ədəbiyyatda işləndiyini bilmirəm, amma mən özüm  işlədirəm.

Ağdamda  dəmşalax  kimə deyirdilər? Dilimizdə səfeh var, axmaq var, təlxək var, sarsaq var, düşük var, quşbeyin var, gicbəsər var.

Ağdamlılar  bütün  bunların  toplusuna «dəmşalax» deyirlər. Deməli , kimə dəmşalax desələr  həmin adam həm sarsaqdı, həm axmaqdı, həm quşbeyindi və sair və ilaxır.

Məsələn, Dostoyevskinin «İdiot» əsərinin  adını «Səfeh» kimi  tərcümə ediblər. Əslində əsəri oxuyanda görürsən ki, qəhrəman idiot deyil ey, dəmşalaxdı.

İndi Ermənistanın baş naziri dəmşalaxdı. Hətta dəmşalaxlar kimi  rəqs edir, dəmşalaxlar kimi  danışır. Müsahibə verəndə də  dəmşalaxlar kimi  müsahibə verir.  Yalnız dəmşalaxlar bir-iki günün içində öz fikrini  dörd-beş dəfə  dəyişə bilər. Yalnız dəmşalaxlar özü dura-dura  arvadının  əlinə silah verib harasa göndərə bilər. Yalnız dəmşalaxlar onu başından  eləmək  istəyən insanlara (dünya liderlərinə) tez-tez  zəhlələrini töküb telefon  aça bilər.

Ağdamlıların bir ifadəsi də var, bunu ən çox Rəşad Məcid işlədir: «Ə, pəpişqulu».

Baxıram ki, Rəşad Məcidin nəvəsi İpək iki gündən, üç gündən bir facebookda maraqlı çıxışlar  edir.

Srağagün  yenə bir  videosuna baxdım və güldüm.  Babasının «pəpişqulu» ifadəsini öz bildiyi  kimi dedi:

- Sən bizə şərt qoyurdun, Pəpişyan?!

Və bu gərginlikdə xeyli güldüm.

«Face»də  Rəşad Məcidin  səhifəsini  açın və İpək balanın həmin çıxışına baxın və bir az  ürəyiniz  açılsın.

Pəpişyan özü haqqında bütün  ifadələri  eşidib və sonda eşidəcəyi  ifadə də  dəmşalaxdı!

Dosta Göndər :

  

SON XƏBƏRLƏR

2020-11-29
2020-11-28

Video

Yazarlar

MARAQLI

DÜNYA

ƏDALƏT BU GÜN
November: 28, 26, 24, 21, 19, 17, 14, 12, 11, 07

Redaktor seçimi

FOTOREPORTAJ

GÜNÜN SİTATI

SORĞU

«McDonalds»ı boykot etmisinizmi?

ÇOX OXUNAN

GÜNÜN LƏTİFƏSİ

Təyyarə qəzaya  uğrayır, səbəb də Paşinyan olur. Deməli, Erkin Qədirli, Paşinyan  və Saakaşvili sağ qalıb bir kimsəsiz adaya düşürlər.  Ac-susuz, Erkin hər  aclığı tutanda Paşinyanı  salır  təpiyinin  altına, Saakaşvili birtəhər tutub Paşinyanı  Erkinin  əlindən alır. Day döyülməkdən  Paşinyanın  üz-gözü qalmayıb, qaçıb  gizlənməyə yer də yoxdu. Deyirlər  balıq tutaq  heç olmasa. Dənizin  kənarında oturub balıq tuturlar.

Əllərinə bir qızıl balıq  düşür. Qızıl balıq yalvarır ki, məni buraxın, hərənizin bir  arzusunu  yerinə yetirim.

Saakaşvili deyir:

- Məni at Tiflisə. Çoxdandı ev  çaxırı içmirəm, çexoxbili yemirəm.

Balıq Saakaşvilini atır Tiflisə.

Paşinyan deyir:

 Balıq qardaş, məni də at Tiflisə, Saakaşvilinin  yanına, yoxsa bu türk  məni  minəcək.

Balıq onu da atır  Tiflisə.

Erkin Qədirli deyir:

- Sən  belə elə də, bir qəşəng süfrə aç – xaş, sirkə-sarımsaq , üstünə nar  sıxılmış soğan, bir də tut arağı, o oğraş Paşinyanı da qaytar geri.

ARXİV

TƏQVİM

FACEBOOK