SON DƏQİQƏ:

“Mən möminəmmi?” - Əntiqə Rəşid yazır

  55656   |  
Şriftin ölçüsü  

Tanıyanlar bilir, mən Allaha çox inanan, iman gətirən, Allahı öz içində, öz yanında, öz daxilində görən biriyəm. İddia edə bilərəm ki, özünü cəmiyyətə "mömin” kimi sırıyanlardan daha çox inanclıyam, möminəm. Düzdür, hicab örtmürəm, heç namaz da qılmıram . ( Vaxtı ilə 5 il namaz qılmışam) Bəziləri mənim inancıma məhz bu səbəbdən ironiya ilə baxa bilər. Amma, unutmayın, insanın Allahı dərkindən, Allahla təmasından sonra bütün rituallar sıfırlanır. Məhz o təmas və dərkdən sonra bütün hərəkətlərinə, addımlarına, niyyətlərinə görə,  özün-özünə (həm də Allaha) hesabat verirsən, səhv və yaxud düz olduğunu vicdanla (Allahla) çözürsən. Səhvsənsə. haqsızsansa, boynunun borcudur ki, səhvini düzəldəsən, haqsızlığın üçün üzür diləyəsən, bağışlanmanı xahiş edəsən... Allahdan yox, insandan... Bəli insandan! Ona qarşı etdiyin haqsızlığa görə, ona yalvarmalısan da, əfv diləməlisən də.

İkinci Allahın sevgi ilə yaratdığı insanları sevməlisən! Mümkün qədər yardımçı olmalısan!Bu daha vacibdi! Sənin insanlara sevgin, xüsusən, yetim, xəstə, əlil, yaşlı, hamilə bu zümrədən olan digər Allah bəndələrinə olan qayğın, xoş niyyətin Allah tərəfindən seviləcək, qiymətləndiriləcək. Rəsul-i Əkrəm də S.A.V də bu barədə belə buyurmuşdur:

"Yaxşılıq itməz, günahlar da unudulmaz. Hakim olan Allah ölməz. O halda bildiyini et. Necə davransan elə də rəftar görərsən". Buna yüzə yüz əminəm!

İndi keçək əsas məsələyə...

Deyilənə görə, bu il Azərbaycandan Həcc ziyarətinə getmək üçün indiyə qədər 100 nəfər müraciət edib. Sənəd verənlərin arasında az sayda olsa da, ziyarətə təkrar getmək istəyənlər də var.

Bu il Həcc ziyarətinə təkrar getmək istəyənlərə güzəşt edilməsi ilə bağlı qərar qəbul olunub. Qərara əsasən, onlar üçün nəzərdə tutulan əlavə ödəniş ləğv edilib. Ötən il bu rüsum 75 ABŞ dolları idi. Bu il isə Həcc ziyarətinə təkrar getmək istəyənlər həmin məbləği ödəməyəcəklər.

Azərbaycandan Həcc ziyarətinə getmək üçün 1 500 nəfərlik kvota ayrılıb. Ziyarətinin qiyməti isə 4 490 ABŞ dollarıdır. Həcc ziyarəti Ramazan bayramı ərəfəsində - iyulun 20-dən avqustun 15-dək baş tutacaq.

İndi xeyli pul töküb "mömin” olmaq, həci, kərbəlayi, məşədi olmaq istəyənlərə sual vermək istəyirəm:” Son 3 ayda 7 -i igidimiz haqqın dərgahına qovuşub. Çoxu da yetərincə müalicə ala bilməməsi ucbatından dünyasını dəyişib.

Hesabı vururam bir-birinə, məlum olur ki, hər il Həccə, Məkkəyə, Mədinəyə, Kərbəlaya tökdüyünüz pullarla neçə-neçə Qarabağ əlili müalicə alardı, sağalardı, ailəsinə yardım olardı. Bu dünyanı yarımcıq tərk etməzdi. Ziyarət pulunu neçə-neçə Qarabağ döyüşcüsünə, əlilinə sərf etsəydiniz, onun qayğısına qalmağa, iynəsinə, dərmanına, həkminə xərcləsəydiniz mömin olmayacaqdınızmı? Öz vətəninizdə yetimləri, kimsəsizləri, xəstələri, yaşlıları, əlilləri görə-görə, laqeyd qalaraq gedib, uzaq Ərəbistanda mömin olacaqsınızmı? Allahın sizi mükafatlandıracağınımı sanırsınız? Arabir içinizdəki, daxilinizdəki, yanınızdakı Allahla təmasa keçin, hesabat verin!Sonra mütləq öz-özünüzdən sual etmək ehtiyacı duyacaqsınız:” Mən möminəmmi?”

 

 

 

 

 

Dosta Göndər :

  

SON XƏBƏRLƏR

2021-09-19
2021-09-18

Video

Yazarlar

MARAQLI

DÜNYA

ƏDALƏT BU GÜN
September: 11, 04
August: 28, 21, 14, 07,
July: 31 24, 17, 10,

Redaktor seçimi

FOTOREPORTAJ

GÜNÜN SİTATI

SORĞU

COVİD 19 peyvəndi vurdurmusunuz?

ÇOX OXUNAN

GÜNÜN LƏTİFƏSİ

Vasif Quliyevin kefi yuxarıdı, sanki səmalarda uçur. Aqil Abbas:

- Vasif, xeyir ola, genə göylərdə uçursan?

Vasif müləllim:

- Qağa neyniyim, "Parıament" siqareti cəkirəm, amma parlamentə düşə bilmirəm. "Prezident" yağı yeyirəm, prezident ola bilmirəm. Bircə

 "Vozdux" arağı real kömək edir, içən kimi havalarda uçuram.

ARXİV

TƏQVİM

FACEBOOK