Facebook - dünyanın ən populyar qəzeti, saytı.

1 milyon azərbaycanlının fərdi təqdimat məkanı.

15 il öncə kim desəydi, hamının şəxsi qəzeti olacaq, inanılmaz açıqlama olardı, həmin adama gülüb keçərdik. Ağlımıza gəlməyənlər başımıza gəldi.

Bu dəfə xeyirlisindən oldu. Başımıza gələn hadisə ürəyimizdən xəbər verdi. Kimliyimizi, necəliyimizi göstərə bildik. Facebook göydən düşmə məkana çevrildi - daha çox da düşüncə adamları üçün. Bu üzdən Adalet.az saytının oxucularına intellektual Facebook istifadəçilərinin düşündürücü statuslarını təqdim etməyi qərara aldıq. Yəni onların yazdıqlarını göydən yerə düşürdük.

"Göy virtuallığın, yer reallığın təzahürüdü" - bu da olsun, təqdim edəcəyimiz statuslara nəzərən bir status

                                                                      ***

İlqar Rəsul: "Sən özünü unutma, başqaları səni xatırlamasa da olar...”

                                                                      ***

Jalə Mütəllimova: "Bəzən mənə elə gəlir ki, insanlara olduqlarından artıq dəyər verirəm. Layiq olduqlarından çox istəyirəm. Sonra da özüm düşünürəm ki, dəyərdimi?”

                                                                       ***

Könül Quliyeva: "Bəzi insanların yanaşmasını görəndə bir daha əmin oluram ki, korluq təkcə gözdə deyil. Ən dəhşətli korluq qəlbin korluğudur. Özü haqq-ədalətdən uzaq ola-ola başqasından haqq-ədalət uman, böhtançıya maşa olub mirzəlik edən biri heç vaxt düzəlməz və öz eybini görməz. Düzü-düz, əyrini-əyri deməliyik ki, onlar düzəlməsə də bu dünya düzəlsin babam, düzəlsin”

                                                                       ***

Cahan Xanım: "Çətini ölənə qədərdir sənsiz yaşamaq...”

                                                                       ***

Nərgiz Aziz: "4 il ərzində həyat məni inqilabi üzü ilə tanış elədi. Deyəsən tələsdi də bir az”

                                                                               ***

Mehriban Nəsib: "Həyat o zaman asan olur ki, itirmək qorxun olmur...”

                                                                              ***

Dilruba Vaqifzadə: "Kimliyindən asılı olmayaraq bəd düşüncəli insanlardan zəhləm gedir”

                                                                               ***

Mələk Humay: "Güclər birləşəndə möcüzə olur...”

                                                                               ***

Aynur Quliyeva: "İnsanlar parçalanaraq çətinliyə salıblar özlərini... Sadəcə hər anı oxusunlar. Heç nə səbəbsiz deyil. Hər şey göründüyü kimi deyil. Sorğu-cavab... An və maraq... İçindən çıxarsan nəticə Elm-Məna... Mənanı yaşasan həyat... Aldığın həzz Cənnət... Kainata bax, Özünü tanı. Kitabına bax, Sözünü tanı... Sözünü bilən Özünü ..Özünü bilən Tanrını bilər.”

                                                                              ***

Sübhan Mahmudlu