Bu gün rayonlarda işə adamlarına , sahibkarlara qarşı münasibət heç də yaxşı deyil.

Bəzi icra başçıları onlara gün verib, işıq vermir. Onların dediyi ilə işləməyən bəzi sahibkarları incidir,  öz maraqlarına uyğunlaşdırmaq istəyir, bu da alınmayanda  hədə- qorxu gəlir, həbs etdirməklə təzyiq  altında saxlayır.Bax ona görə də incidilən  sahibkarlar onların əlindən boğaza yığılır. Bu barədə müxtəlif mətbuat orqanlarında müxtlif  yazılar da çap olunub.Bu yaxınlar da isə Lənkəranda İcra  Hakimiyyəti bir sahibkarın başına olmazın müsibətin  açıb. Belə ki, sahibkar küllü miqdarda  vəsait qoyaraq  böyük istixana  tikdirib. Və istixana tikiləndə  İcra Hakimiyyətində bir səs - səmir  çıxmayıb.

Elə ki, istixana tikilib başa çatdırılıb, bax  bundan sonra onlar hərəkətə keçib. Yəni ağına- bozuna, çəkilən xərcə və zəhmətə baxmayaraq, onu sökəcəklərini  bildiriblər. Halbuki istixana  fəaliyyət başlasaydı, orda çoxlu sayda insan işlə təmin ediləcəkdir. Amma Lənkəran Şəhər İcra Hakimiyyəti və digər qurumlar  bunlara məhəl qoymadan və  məhkəmə qərarı olmadan istixananı sökdürüb və sahibkara küllü miqdarda ziyan  vurublar. Bu qanunsuzluğa və ədalətsizliyə etiraz olaraq sahibkar öz hüquqlarının müdafiəsi üçün ölkənin adiyyatı qurumlarına  müraciət edib.

Bizdə bəzi icra başçıları özlərini xalq şairi Sabir Rüstəmxanlının dili ilə demiş olsaq" kiçik padşahlar kimi aparırlar.  Görünür, bəzi icra başçıları üçün qanun şah deyil,  onların özləri şahdır. Bax buna görə də yerlərdə  əhali belə  icra başçılarından   daha çox narazılıq edirlər. Çünki onlar öz mənafelərini, xalqın marağından üstün tuturlar!

Emil Faiqoğlu