İrəvanda Respublika meydanı və hökumət binası qarşısına çox sayda polis cəlb olunub.

Azvision.az erməni mətbuatına istinadla xəbər verir ki, buna səbəb müxalifətin binaya girişi blioklamağa çalışmasıdır.

"ARF Daşnaksütyun" partiyasının nümayəndəsi İşxan Saqatelyan daha əvvəl bildirmişdi ki, müxalifət baş nazir Nikol Paşinyanın gəlişindən əvvəl hökumət binasını bloklamağa çalışacaq.

Onun sözlərinə görə, 23 fevral saat 11:30-da Paşinyan 3 saylı hökumət binasına gəlməlidir. Müxalifət onun qarşısını almağa hazırlaşır.

Bu səbəbdən polislər səhər saatlarından əraziyə gətirilib. Məlumata görə, bəzi binalara snayperlər də yerləşdirilib. Bütün giriş-çıxışlar bağlanıb, polis işçilərindən başqa əraziyə heç kimi buraxılmır. Müxalifətçilərin özləri hələ əraziyə gəlməyiblər.