SON DƏQİQƏ:

Qarabağla bağlı filmi Azərbaycanlı rejissor çəkməlidir - Cəlil Cavanşir yazır

  11870   |  
Şriftin ölçüsü  

Azərbaycanın Mədəniyyət naziri Anar Kərimov türkiyəli həmkarı Mehmet Nuri Ərsoyla görüşüb. Görüşdə müzakirə olunan əsas məsələlər Qarabağ zəfəri, Qafqaz İslam Ordusu və Xocalı qətliamı kimi tarixi hadisələr haqqında film və serialların çəkilməsi olub. Üstəlik nazirimiz Türkiyədə fəaliyyət göstərən film istehsalçıları ilə də görüşüb.

Təzəlikcə bu vəzifəyə təsdiq olunan nazirimiz ölkəmizin film istehsalçıları ilə geniş formatda görüş keçirmədən, Qarabağ mövzusunda filmlərin, serialların çəkilməsini yerli rejissorlarla, film istehsalçıları ilə müzakirə etmədən Türkiyədə bu məzmunda görüş keçirməsi heyrətamizdir.

Şübhəsiz ki, Türkiyə qardaş ölkədir. Türkiyəni çox sevirik. Hamımız yaxşı bilirik ki, "Vətən müharibəsi"ndə Türkiyə Azərbaycanı hərtərəfli dəstəkləyib. Və heç kəsə sirr deyil ki, bu savaşda Azərbaycanın qələbəsi Türkiyənin dövlət maraqlarına uyğun idi və dəstək təmənnasız deyildi. Ən azı, bunu post-müharibə dövründə bağlanan müqavilələrdə, yaxınlaşmalarda başa düşdük.

Qaldıki Qarabağ müharibəsi barədə film və serialların çəkilməsinə...

Düşünürəm ki, Qarabağla bağlı filmi Azərbaycanlı rejissor çəkməlidir. Buna potensialı və istedadı olan xeyli rejissorumuz var. Bəli, bizim kino sənayemizdə, kinoteatr məsələsində, texniki məsələlərdə, təbliğat və festivallar məsələsində ciddi boşluqlarımız var. Məncə nazirlik məhz Azərbaycan kinosunun inkişafını Azərbaycanlı rejissorara film verməklə başlatmalı idi. Yerli rejissorarımız televiziyalarda, serial setlərində itib-batır. Hətta pandemiyadan əvvəl dövlətin milyonlarla xərc çəkdiyi filmlərin istehsalatını nazirlik dayandırıb. Belə olan halda milli kinomuz necə və hansı şərtlər altında inkişaf edəcək? Ucuz teleseriallarla, az büdcəli tələmtələsik çəkilmiş filmlərlərlə?

Türkiyəli kino adamları ilə ortaq görülən işlərin keyfiyyətini kino sahəsində çalışanlar yaxşı bilir. "Mahmud və Məryəm" çəkilmişdi ha, yəqin xatirinizdədir...

Qarabağ haqqında filmi Azərbaycanlı rejissor çəkməlidir.

Qarabağ haqqında çəkilən filmdə azərbaycanlı aktyor oynamalıdır. Qarabağ haqqında filmin ssenarisini azərbaycanlı ssenarist yazmalıdır.

Çünki bu bizim ağrımızdır, bunu yaşamışıq, hiss etmişik. Minlərlə şəhid, qazi bizim yaxınlarımız, ailə üzvlərimiz, qohumlarımızdır. Biz bu ağrını illərdi yaşayırıq. Bizim nəsil bu ağrıyla böyüyüb.

Ən əsası, milli kinomuz naminə bu işi yerli sənət adamları görməlidir. Potensial isə var. Sadəcə dövlət dəstəyi və qayğısı, şəffaf sistem lazımdır.

"Böyük qayıdış" kimi tələsik layihələrlə təbii ki, nəyəsə nail olmaq mümkün deyil.

Azərbaycan kinosunun inkişafı üçün əvvəlcə yerli kino sənayesi, kino bazarı formalaşdırılmalıdır. Bütün bunlar olmadan Spilberqə də Qarabağ haqqında kino çəkdirsən, heç bir mənası yoxdur.

Görülən işlərə kölgə salmaq, öncəgörənlik etmək niyyətində deyiləm, - yaşayarıq, görərik. Təki arzulanan nəticə əldə edilsin. Bunu ən çox istəyənlərdən bəlkə də birincisi mənəm. Uğurlu bir iş görülsə vətəndaş kimi bəlkədə ən çox mən sevinərəm.

Sadəcə bilirəm ki, bir müddət sonra hamı görülən işdən narazılıq edəndə artıq gec olacaq.

Fikirlərimin prosesin gedişini dəyişməyəcəyini də bilirəm. Dövlət qərarını verib, bala-bala icra edir. Mənim etirazım yanğına dimdiyində su daşıyan qaranquşun etdiyidir...

Dosta Göndər :

  

SON XƏBƏRLƏR

2021-04-12

Video

Yazarlar

MARAQLI

DÜNYA

ƏDALƏT BU GÜN
April: 10, 08, 06, 03, 01,
March: 30, 20, 18, 16, 13,

Redaktor seçimi

FOTOREPORTAJ

GÜNÜN SİTATI

SORĞU

İşğaldan azad olunmuş torpaqlara qayıtmaq istəyirsinizmi?

ÇOX OXUNAN

GÜNÜN LƏTİFƏSİ

Futbol üzrə Avropa çempionatının qrup mərhələsi. Portuqaliya  -Azərbaycan. Oyunun 17-ci dəqiqəsi, hesab 2 -0 -dı, Ronaldo vərimə zərbəsi vurmağa hazırlaşır. Baş məşqiçi Brayze oyunçulara tapşırıqlarını verir, yığmamızınoyunçuları cərimə meydanşadında canlı sədd qurublar,  hamı topa baxır, Bədavi Hüseynov əksinə öz qapımıza baxır.

Kapitan Maksim Medvedev:

- Bədavi hara baxırsan? üzünü çevir.

Bədavi:

 - Siz hara baxırsınız -baxın, mən qolu görmək istəyirəm.

ARXİV

TƏQVİM

FACEBOOK