"Yadların doğma sözü"
"Yadların
doğma sözü” adı altında dünya xalqlarından seçmə hikmətli sözlərin bu dəfəki təqdimatında
hind atalar sözləri olacaq. Əvvəlcə bu xalq haqqında məlumat verək:
Hindlər – dünyanın
7-ci ən böyük dövlətinin xalqı elə ən qədim fəlsəfəni, ədəbiyyatı, mədəniyyət və
incəsənəti yaratmış xalqlardan biridir. Hindistan dünya üzrə ikinci ən çox əhalisi
olan ölkədir. Qədim və orta əsrlər Hindistanın elm, ədəbiyyat, incəsənət sahəsindəki
nailiyyətləri müxtəlif dini və fəlsəfi sistemləri Şərqin bir çox
sivilizasiyalarına müsbət təsir göstərib. Bütün ölkələrdən əvvəl fəlsəfi məktəb
və ənənələr Qədim Hindistanda yaranıb inkişaf edib. İlk dəfə hindlilər düyü, pambıq,
şəkər qamışı becərməyi, ev quşları saxlamağı öyrəniblər. Amma hindlərin dünyaya
töhfəsi bununla bitmir, bu günə qədər bütün dünya tərəfindən sevilən hind rəqsləri,
təkrar-təkrar seyr edilən filmləri, bəşəriyyətə kişi və qadının fiziki məhəbbətinin
sirlərini öyrədən Kama-Sutrası, dini-fəlsəfi
məktəbi, yoqları, mübariz siyasi liderləri həmişə sevilib, öyrənilib.
Hindistan
haqqında bəzi maraqlı məlumatları da təqdim edək:
Hind təqvimində
6 fəsil vardır: Yaz, Yay, Musson, Payız, Qış, Prevernal(Yazdan əvvəl)
Mumbaydakı hava ilə nəfəs almaq günə 100 siqaret çəkməyə bərabərdir.
Hindli bir
kişinin 70 ildir necə heç nə yemədən və içmədən yaşadığının mümkünlüyü alimlər hələ
də tapa bilməyiblər.
Dünyanın ən
böyük ailəsinə sahib kişi bir hindlidir. Onun 39 arvadı və 94 uşağı var.
Hindli bir
kişinin itlə evlənməsi qədim adətlərdən biridir.
Keçək bu böyük
xalqın ata sözlərinə:
Ağac kökləri ilə yaşar, insan dostları ilə.
Ağıl tənbəl
adama xoşbəxtlik gətirməz.
Ağıllı adam,
ağılsız adamın son etdiyini əvvəldə edər.
Ağıllı adamlar
öyrənmək üçün, cılız adamlar özlərini tanıtdırmaq üçün oxuyurlar.
Ağılsız
yaxşılığın əhəmiyyəti yoxdur.
Ağlın varsa,
onunla iş gör, əgər yoxdursa, onda atalar sözü ilə iş gör.
Əsl əhəmiyyətli
olan dünənki halımızdan üstün olmağımızdır.
Bilikdən yaxşı
dost yoxdur, azardan pis düşmən.
Gedilməyən
yolları tikan və kollar basar.
Ehtiyatsızlıq fəlakətin
anasıdır.
Gözdə göz yaşı
yoxdursa, ruhda göy qurşağı yarana bilməz.
Xoşbəxtlik həmişə
cəsurların tərəfində olur.
Kim başqalarına
xoşbəxtlik gətirirsə, o, özü xoşbəxtdir.
İşləməyən dəmiri
öz pası məhv edər.
Qadın o qədər
incə, o qədər zərif məxluqdur ki, onu gül yarpağı ilə də vurmaq olmaz.
Qəlbi elmin,
mübarizənin və məhəbbətin yolunda çırpınmayan adam nahaq anadan olub.
Saç-saqqal
ağartmaqla hörmət sahibi olmaq olmaz. Elm və kamal sahibləri hörmətə layiqdirlər.
Qısqanclıq gəncliyin
vərəmidiir, onu sağaltmaq çətin olur.
Müdrik adama da
dost lazımdır.
Sənin oğlun sənin
özündür.
Sənə oğul
doğmuş qadına anan qədər ehtiram göstər.
Zülm küləyi əsən
dənizdən intiqam buxarı qalxar.
Küləyin istiqamətini
dəyişə bilmərik, amma gəminin istiqamətini dəyişmək olar.
Fil darda olanda hətta qurbağa da onu təpikləyər.
Beyinə nəzarət etmək sərxoş meymuna nəzarət
etməyə bənzəyir.
Böyük beyin
sahibləri ideyaları, orta beyin sahibləri hadisələri, kiçik beyin sahibləri isə
insanları müzakirə edir.
Oğru elə bilir
ki, hamı oğurluqla məşğuldur.
Çayda
yaşayırsansa, timsahla dostluq etməlisən.
Hətta okeanda
tapmadıqlarını balaca çayda tapa bilərsən.
Bir dəli itlər,
bir də ingilislər günün günorta çağı gün altında olurlar.
Allahı pələngi
yaratdığına görə günahlandırma, ona qanad vermədiyinə görə minnətdar ol.
Odu dadsan
ağzın yanacaq.
Köhnə səbir təzə
həkimdən yaxşıdır.