Türkiyə Prezidentinin sözçüsü İbrahim Kalın 10-11 dekabrda nəzərdə tutulan Avropa İttifaqının Zirvə Toplantısı öncəsi Brüsselə səfər edib.

Bu barədə “TRT Haber” məlumat verib.

İbrahim Kalın səfər çərçivəsində Avropa İttifaqı Şurasının sədri Şarl Mişelin xarici siyasət üzrə baş müşaviri Məryəm Van den Hövel, Aİ Komissiyasının prezidenti Ursula fon der Leyenin kabinet başçısı Byorn Zeybert və Aİ Xarici Əlaqələr Xidmətinin baş katibi Helqa Şmidlə ayrı-ayrılıqda görüşlər keçirib.

Görüş zamanı Türkiyə-Aİ əlaqələri, Aralıq dənizi, Liviya, Suriya və Dağlıq Qarabağ kimi regional məsələlərlə ələ alınıb, Gömrük İttifaqının yenilənməsi, immiqrasiya razılaşması, viza sadələşdirməsi və siyasi dialoq kimi sahələrdə konkret addımlar atılmasının zəruriliyi vurğulanıb.