"Yadların doğma sözü"
"Yadların doğma sözü” adı altında dünya xalqlarından seçmə hikmətli sözlərin bu dəfəki təqdimatında bolqar atalar sözləri olacaq. Əvvəlcə bu xalq haqqında məlumat verək:
Bolqarlar
– Cənubi Slavyan xalqıdır. Erkən orta əsrlərdə Balkan slavyanlarının, türk
toplumu olan bulqarların və frakiyalıların qarışığından yaranıblar. Belə iddia
edilir ki, "bolqar” sözü osmanlı türklərinin bu xalqa verdiyi addır (türklərdə
- bulqar). Bildirilir ki, əslində "bulqar” deyil, "bulyar”dır. Yəni yarını bul, tap. Sözün
belə yarabmasına səbəb isə bu xalqın məhz qarışıq izdivacdan yaranmasıdır.
Bolqarlar
öz ölkələrində 8 milyona yaxındır. Onlardan 6 milyonu etnik bolqarlardır.
Bundan başqa, Ukrayna, Moldaviya, Rusiya, Serbiya, Macarıstanda da kifayət qədər
bolqarlar yaşayır.
Bolqarların
dünyaca məşhur simalarına gəlincə, təkcə görücü Vanqanın adı kifayət
edər. Bütün dünya hələ də onun dəqiq proqnozlarını danışır.
Bundan
başqa bir çox ölkələrdə istifadə olunan kirill əlifbasının yaradıcıları Kirill
və Mefodiy qardaşları da bu xalqın nümayəndəsi olublar.
Bolqarıstan
haqqında maraqlı məlumatlar:
*
Bolqarıstan kiril əlifbasının rəsmi istifadə olunduğu ilk ölkədir.
* Dünyada
ilk kompüter yaradıcısı Bolqar mütəxəssis – Con Vinsent Atanasov olub.
* Bütün
dünyada "hə” kimi qəbul olunan başın yuxarı-aşağı hərəkəti bolqarlarda əksinədir,
yəni "yox" deməkdir. Başın sağa-sola yırğalanması isə "hə” anlamına gəlir. Bu da
Bolqarıstana gələn turistlərdə çaşqınlıq yaradır.
* Bolqar
adətində doğum günündən sonra ad günü də keçirirlər. Çünki bolqarlar uşağa adı
dərhal qoymurlar. Bu, 1 həftə - 1 ay arasında ola bilər.
* Bolqarıstan
Avropada arxeoloji qazıntılara görə 3-cü yerdədir. Birinci yerdə isə Yunanıstan
və İtaliya gəlir.
* XX əsrə
qədər bolqarların 80%-i kəndlərdə yaşayırdı. Çünki Bolqarıstanın əsas gəliri kənd
təsərrüfatı sahələrindədir.
*Bolqarıstanın
ərazisində 4000-ə yaxın mağara var.
*Dünyanın
ən hündür kaktusu Bolqarıstanda bitir. Onun hündürlüyü 7 metrdir.
*
Dünyanın ən qoca palıdı da Bolqarıstandadır – 1650 yaşı var.
İndi də bolqar atalarının söz mirası:
Qış günəşinə,
qadın gülüşünə inam olmaz.
Qadın
kölgə kimidir, onu təqib edəndən qaçar, önündəkinin arxasınca gedər.
Kişi
yaşını gizlədəndə, qadın isə gizlətməyəndə qocaldığı bilinər.
Şərabla
başlayan dostluq bir geçə çəkər.
Meyxanada
yazılan söz, cənnətdə oxunmaz.
Kömür
sönsə də, odunun alışmasına kömək edər.
Qızıl taxtın
ölənə nə faydası?!
Gülər üz - qızıl açardır.
Böyük
anbar, kiçik ölçəklə dolmaz.
Bir
çılpağı min zirehli soya bilməz.
Dəlilərə
zəng taxmaq istəsələr, dəmirin kilosu yüz milyon olar.
Ətin
dadını bilən çoban itindən xeyir gəlməz.
Ac köpək sürünü qorumaz.
Göydəki
ulduzları deyil, yerdəki sürülərini bir daha say.
Kim nə
etsə özünə qayıdar.
Parlayan
hər şey qızıl deyil.
Torbada nə
varsa, şorbada da o var.
Bir
olsun, pir olsun.
Bəxt səndən
küsəndə sən onunla barışmağa çalış.
Dayçanı
nalladıqlarını görən qurbağa da ayağını qaldırdı.
Qalxıb enməkdənsə, oturduğun yerdə qal.
Kiçik
qazanclar sərvət gətirər.
Qardaşların
sərvəti bərabər həddə olanda mehriban olarlar.
Zaman və
sel heç kimi gözləməz.
Şən
yoldaş yolu qısaldar.
Şəfiqə Şəfa