AKADEMİYA YƏQİN ORDA TAXIL ƏKƏCƏK
Oxudum ki, AMEA-nın prezidenti, akademik Ramiz Mehdiyev 500 alimə Xızı rayonunda verilmiş bağ təsərrüfatı sahəsinin ləğv edilməsinə və geri alınmasına qərar verib. Hər bir alimin bağ sahəsi 10 sotdur. Özü də burda ev tikilə bilməz, yalnız ağac əkə bilərlər, gül-çiçək əkə bilərlər ki, istirahət vaxtlarında ailələrini götürüb getsinlər təmiz hava almağa. Və alimlər də bağ salıblar, yol çəkdiriblər həmin əraziyə, su çəkdiriblər, xeyli pul xərcləyiblər.
Və onu da oxudum ki, alimlər buna çox kəskin etiraz ediblər.
Dostlar, bəlkə hörmətli Ramiz müəllim orda təcrübə üçün taxıl əkdirəcək və ölkəmizin ərzaq təhlükəsizliyinə Akademiyamız öz töhfəsini verəcək?!
Və bəlkə də Akademiya yeni raket və ya hansısa silah növü kəşf edib həmin ərazidən poliqon kimi istifadə olunacaq?
Nə isə…