Rayan Babel "Neftçi" ilə oyundan danışdı
"Uzun fasilədən sonra ilk matçıma çıxdım. Bunun üçün minnətdaram".
Qol.az xəbər verir ki, bu sözləri "Qalatarasaray"ın futbolçusu Rayan Babel Avropa Liqasının 2-ci təsnifat mərhələsində "Neftçi"ni Bakıda 3:1 hesabı ilə məğlub etdikləri oyundan sonra deyib.
Niderlandlı hücumçu Türkiyə mətbuatına açıqlamasında zədədən sonra tədricən formaya düşdüyünü bildirib: "Yavaş-yavaş da olsa, formamı yığıram. Komanda olaraq yaxşı iş gördük"
Qeyd edək ki, "Neftçi" ilə görüşün start heyətinə yer alan Rayan Babel 83-cü dəqiqədə əvəzlənib.