ƏRDOĞANA BAĞIŞLANAN QARABAĞ ATI
Düzdür, ərəb atı boy-buxununa görə Qarabağ atından gözəgəlimlidi. Qısa məsafədə Qarabağ atını keçə bilir. Amma uzun məsafədə Qarabağ atı ərəb atına deyir ki, sən burda gözlə, mən bir Şuşaya dəyib gəlirəm. Qıvraqdı. Əsl döyüş atıdı. İnsan kimi çevikdi və qılınc zərbələrinin altından çıxa bilir. Üstündəki igidlə birgə döyüşür, düşməni odlu ağzıyla parçalayır. Ön ayaqları ilə şahə qalxıb düşmənlə vuruşur. Çox qədim tarixə malikdir. Qarabağa da Çingiz xan, daha sonra isə Əmir Teymur tərəfindən gətirilib.
Qaşovlayandan sonra gün işığına çıxarılanda üstündə 20 qəpiklik boyda qızıl pullar görünür balıq kimi.
Hazırda Qarabağ atları Ağcabədidə yetişdirilir.
Cənab Prezident 28 mayda Ağdamın təməlini qoyanda bildirdi ki, Ağdamda yeni bir Atçılıq zavodu istifadəyə veriləcək. Özü də əvvəlki ərazidə, yəni Göytəpədə, inşallah.
Və Şuşada cənab Prezident sayın Ərdoğana «Zəfər» adlı təmizqanlı bir Qarabağ atı bağışladı. At igidin yaraşığıdır. Ərdoğan da igid bir şəxsiyyətdir.